Rais Mhe Dkt Samia Suluhu Hassan afunga Maonesho ya Nanenane Mbeya afurahishwa na vijana kujiari

Posted on: August 9th, 2023

 Washiriki kutoka Halmashauri ya Wilaya ya Mlele Mkoa wa Katavi wakiongozwa na Mkuu wa Divisheni ya Kilimo Mifugo Ushirika na Umwagiliaji Mr.Luke Kifyasi pamoja na Mratibu wa Nanenane Halmashauri ya Wilaya ya Mlele Ignas Kikwala pamoja na waoneshaji wakiwa nje ya banda la Halmashauri ya Mlele katika Picha ya pamoja kwenye maonesho ya Kitaifa jijini Mbeya kama wanavyoonekani pichani.

Rais  wa Jamhuri ya Muungano wa Tanzania Mhe.Dkt. Samia Suluhu Hassan ameeleza kufurahishwa na namna vijana walivyojiajiri kwenye maeneo ya Mifugo na Uvuvi kupitia wataalam badala ya kusubiri ajira pekee na kuridhishwa pia na Wizara hiyo inavyosimamia kuhakikisha vijana wanajiajiri kupitia Kilimo kama ufugaji na uvuvi.Rais wa Jamhuri ya Muungano wa Tanzania Mhe. Samia Suluhu Hassan, akiwa na Spika wa Bunge la Jamhuri ya Muungano wa Tanzania Mhe. Dkt. Tulia Ackson, Waziri wa Kilimo Mhe. Hussein Bashe, Waziri wa Mifugo na Uvuvi Mhe. Abdallah Ulega, Mkuu wa Mkoa wa Mbeya Mhe. Juma Homera, Katibu Mkuu wa Wizara ya Kilimo Gerald Mweli pamoja na Dkt. Hussein Mohammed Omar Naibu Katibu Mkuu wa Wizara ya Kilimo wakati akikata utepe kuashiria uzinduzi wa ugawaji wa vifaa vya maafisa ugani, trekta kwa wakulima, vifaa vya kutengeneza Vihenge vya chuma kwa Vijana, bei elekezi za mbolea ya ruzuku, mradi wa uchimbaji wa visima pamoja na ugawaji wa vifaa vya mfumo wa umwagiliaji kwa matone katika Maonesho ya Kimataifa ya Wakulima Nane Nane yaliyofanyika Kitaifa Mkoani Mbeya tarehe 8 Agosti, 2023.

Lakini nataka niseme wataalamu, kutoka mwaka jana (2022) mpaka sasa hivi (2023) kwa upande wa Mifugo na Uvuvi maendeleo ni makubwa. Mnakumbuka mwaka jana tuligombana uwanjani pale nikasema hamjafanya chochote na mmeona nilichokifanya, nilipompandisha huyu bwana (Waziri wa Mifugo) nikamwambia nakupa miezi sita nione ulichokifanya usipofanya nawewe utaondoka kama alivyoondoka mwenzio sasa leo ninashukuru na najua sio yeye ni ninyi wataalamu”, Rais Dkt. Samia Suluhu Hassan akizungumza kwenye moja ya banda la mfugaji ndani ya Uwanja wa John Mwakangale jijini Mbeya.

. Rais wa Jamhuri ya Muungano wa Tanzania Mhe. Samia Suluhu Hassan akizungumza jambo wakati alipotembelea vizimba vya kufugia Samaki katika moja ya mabanda ya Maonesho ya Kimataifa ya Wakulima Nane Nane Mkoani Mbeya tarehe 8 Agosti, 2023

Pamoja na kueleza mengi, Waziri wa Mifugo na Uvuvi Mhe. Abdalah Ulega amesema Wizara ina matamanio ya kuona mifugo hasa ng’ombe wanaonenepeshwa na wajasiriamali mbalimbali nchini wanauzwa kwa faida ndani na nje ya nchi na kwa kutumia mitandao ya kijamii.

Rais wa Jamhuri ya Muungano wa Tanzania Mhe. Samia Suluhu Hassan akisalimiana na Watoto wakati alipokuwa akipita kwenye mabanda mbalimbali ya Maonesho ya Kimataifa ya Wakulima Nane Nane Mkoani Mbeya tarehe 8 Agosti, 2023.

“Mhe.Rais (Samia S. Hassan) hawa Ng’ombe watakuwa wakipigwa picha hatua kwa hatua katika bapa la uso na mwili mzima anapoingia toka anaponunuliwa lengo letu kwasababu hawa (wafugaji) ni wafanyabiashara tunawapa platform ya Digital (fursa ya utandawazi) kama BBT ilivyo malengo yake. Lengo letu ni kwamba wawe na uwezo hata wa kuuza katika mitandao na hivi sasa tunaishukuru Wizara ya fedha imetukubalia na ina mpango maalumu wa kutuingiza katika masoko ya kimtandao”, Mhe. Abdalah Ulega, Waziri wa Mifugo na Uvuvi.

(Picha zote na Kitengo cha Mawasiliano Serikalini)