RC KATAVI

Posted on: June 5th, 2021

Maelezo ya  Picha.

 Mkuu wa   Mkoa wa  Katavi  Mheshimiwa Mwanamvua Hoza Mrindoko akipatia maelezo na Afisa Nyuki wa Halmashauri Jackson Kizeze Hayupo Pichani anamweleza namna kiwanda cha kuchakata asali knavyofanya kazi muda mfupi baada ya kukagua ukarabati wa kiwanda hicho sasa anakagua mashine zinazotumika katika kuchakata asali kama anavyoonekana.

RC-KATAVI ARIDHISHWA NA UTEKELEZAJI WA MIRADI YA MAENDELEO MLELE.

Mkuu wa Mkoa wa Katavi Mheshimiwa  Mwanamvua Hoza Mrindoko amefanya ziara kutembelea Halmashauri ya Wilaya ya Mlele,katika ziara hiyo alikagua miradi ya maendeleo,kwa kuanza na ukaguzi wa Jengo la upasuaji kituo cha Afya Inyonga B’jengo lillilojengwa kwa gharama ya shilingi milioni 200,ukarabati mkubwa wa Kiwanda cha kuchakata asali na Nta,ukarabati uliogharimu kiasi cha shilingi zaidi ya milioni 150,ujenzi wa Jengo la utawala na ujenzi wa Hospitali ya Halmashauri ya Wilaya ya Mlele ambapo alikagua baadhi ya majengo yanayoendelea kujengwa baada ya serikali kutoka shilingi milioni 500 zilizotolewa kwa ajili ya ujenzi wa majengo mabalimbali yaliyosalia ambapo Mkuu huyo aliridhishwa na utekelezaji wa kazi zinazoendelea kufanyika.

Mbali ya ukaguzi wa Miradi pia alipata nafasi kukutana na watumishi wa umma na kuwasisitiza kufanya kazi kwa bidii na ueledi mkubwa ili kufikia adhima ya Serikali ya awamu ya sita ya kuchapa kazi kwa bidii ili kuwaleteea maendeleo wananchi,chini ya kauli mbiu isemayo Jamhuri ya Muungano wa Tanzania kazi iendelee..

Pamoja na kuzungumza na watumishi pia alipata nafasi ya kufanya  mkutano wa hadhara na kuzungumza na wananchi  kisha kutoa maelekezo mbalimbali moja  ya mambo aliyoelekeza ni kuendelea kudumisha suala la ulinzi na usalama katika jamii,kuheshimu sheria za nchi kujiepusha na migogoro ya ardhi ,kila mmoja aheshimu eneo la mwenzake na kutokuvamia maeneo yaliyotengwa ya hifadhi za mistu.

Mambo mengine aliyosisistiza ni elimu wananchi kujiunga na mfuko wa Afya ya Jamii ilyoboreshwa,kuhakikisha wanafunzi wanaenda shule, pamoja na kujiepusha na  migogoro ya mipaka kati ya wananchi na Wakala wa huduma za Mistu TFS inapatiwa ufumbuzi kwa kuweka mipaka ya maeneo na wananchi katika vijiji na kusisitiza wananchi waliopimiwa maeno ya ujenzi wapatiwe mapema na suala la upungufu wa watumishi hasa katika kada ya elimu na Afya atalifuatilia na kujaribu kusumkuma ili kupatiwa ufumbuzi.

Mapema Mkurugenzi Mtendaji wa Halmashauri ya Wilaya ya Mlele Mwalimu Alexius Kagunze katika Taarifa yake kwa Mkuu wa Mkoa alieleza jinsi Halmashauri inavyotekeleza miradi ya Maendeleo kwa kushirikiana na wadau mbalmbali wa maendeleo.

Mambo mengine ni changamoto ya uwepo wa watumishi katka halmashauri alieleza kuwa upo upungufu mkubwa wa watumishi katika halmashauri hiyo, lakini waliopo wanachapa kazi kwa kujituma zaidi na alitolea mfano kuwa Afisa ardhi wilaya nzima yupo mmoja tu na hata Idara nyingine zina upungufu mkubwa wa watumishi kama Idara ya Mifugo wapo wawili na nyingine mmoja hata hivyo walishaandika barua utumishi kuomba kibali cha kuajiri akamuomba Mkuu wa Mkoa kusaidia katika hilo.

Mwisho.