RC KATAVI

Posted on: June 30th, 2021

Mkuu wa Mkoa wa Katavi Mhe.Mwanamvua Hoza Mrondoko akitoa maelekezo kwa Wataalam wa Halmashauri ya Wilaya ya Mlele wakati wa kufunga Mkutano wa Baraza la Madiwani uliokuwa kwa ajili ya kupitia na kujadili Hoja za Mkaguzi na Mdhibiti wa Hoja za Serikali uliofanyika ukumbi wa Makitaba Shule ya Sekondari Inyonga.

HALMASHAURI  YA WILAYA YA MLELE YAPONGEZWA KWA KUPATA HATI SAFI

KATIKA MKUTANO WA BARAZA LA MADIWANI LA KUJADILI   HOJA ZA UKAGUZI  NA MDHIBITI WA HESABU ZA SERIKALI.

Mkuu wa Mkoa wa Katavi Mhe.Mwanamvua Hoza Mrondoko ameipongeza halmashauri ya Wilaya ya Mlele kwa kupata hati safi kwa mjibu ya taarifa ya  Mkaguzi na Mdhibiti wa Mkuu wa Hesabu za Serikali iliyowasilishwa kwenye Mkutano wa Baraza la Madiwani kujadili Hoja zilizoibuliwa katika ukaguzi wa mwaka uliopita.

 Mhe Mkuu wa Mkoa Mrondoko amepongeza kwa hatua hiyo ya kupata hati safi kisha akashauri kujiepusha na kuwepo na hoja za mara kwa mara.aidha ameziagiza Halmashauri zote Mkoani huo kuhakikisha zinazigatia taratibu na sheria katika matumizi ya fedha ili kujiepusha na upatikanaji wa hati chafu.

Mhe.Mrindoko amesema hatomuonea aibu mtu yeyote atakayesababisha kupatikana kwa hati chafu kwenye Mkoa wake, atawajibika bila kumwonea huruma.

Mapema Mkaguzi wa nje wa Mkoa wa Katavi Mohamed Msangi akiwasilisha taarifa za fedha  za ukaguzi za mwaka uliopita ameeleza kuwa Halmashauri ya Mlele imefanikiwa kupata hati safi ambapo kwa kipindi cha miaka mitano mfululizo imefanikiwa kupata hati safi katika ukaguzi wake wa  mahesabu hivyo kitendo hicho ni cha kupongezwa na kuigwa na Halmashauri nyingine..

 Akifungua Mkutano huu wa Baraza la Madiwani  Mhe.Soud Mbogo ambaye ni  Mwenyekiti wa Halmashauri ya Wilaya ya  Mlele ,amesema pamoja na halmashauri kupata hati safi lakini lazima kuhakikisha ushirikiano uliopo unaendelea ili kuendelea kupata hati safi, na miradi yetu lazima tuisimamie kwa ueledi zaidi ili thamani ya fedha iweze kuonekana.

Amesema wao kama Waheshimiwa Madiwani watajitahidi kutoa ushirikiano wa karibu kwa watalaam na kuendelea kuwahamaisha wananchi kujitolea katika kuchangia nguvu zao kwenye shughuli za maendeleo ili mlele iweze kuwa moja ya Halmashauri za kuigwa.

Mapema Mkurugenzi Mtendaji wa Halmashauri hiyo Mwl.Alexuis Kagunze alieleza jinsi Halmashauri hiyo inavyofanya kazi katika kuhakikisha wanajiepusha na upatikanaji wa hati chafu na juhudi za kuongeza mapato ambapo kwa mwaka huu wa fedha Halmashauri imefanikiwa kuwa moja ya halmashauri zinazoongoza katika Mkoa wa Katavi  kwa ukusanyanji wa Mpato kwa kuvuka lengo walilojiwekea kwa asilimia mia moja.

Amesema  waliweka lengo la kukusanya milioni 700 kutoka kwenye  mapato ya ndani lakini hadi kufikia juni mwaka huu walikuwa wamefanikiwa kukusanya kiasi cha shilingi bilioni moja na kidogo juhudi hizo ni kutokana na ushirikiano uliopo kati ya waheshimiwa madiwani,watalaam na wananchi wote wa Halmashauri kwa ujumla pamoja na uchache wa watumishi waliopo lakini wanajitahidi kufanya kazi kwa ueledi juhudi na maarifa ili kuleta maendeleo katika Halmashauri na Taifa kwa ujumla.

 Akiongea wakati katika MKutano huo wa Baraza la Madiwani,  Mkaguzi wa  nje wa  Hesabu za Serikali Mkoa wa Katavi Mohamedi Msangi ameeleza kufurahishwa na juhudi zilizofanyika kwa halmashauri ya wilaya ya Mlele katika ufungaji wa mahesabu ya Mwaka uliopita wataalam  walitoa ushirikiano wa kutosha  katika kuhakikisha  ukamilishaji kwa muda zoezi la ukaguzi linafanikiwa.ameshauri ushirikiano huo uendelee.

MWISHO.