RC KATAVI ASHIRIKI UJENZI WA KITUO CHA AFYA

Posted on: October 23rd, 2018

RS KATAVI ASHIRIKI UJENZI WA KITUO CHA AFYA ILUNDE……………23/10/2018

Mkuu wa Mkoa wa Katavi Amos Gabriel Makala atoa wiki mbili kwa uongozi wa Wilaya ya Mlele chini ya Mkurugenzi Mtendaji kubaini eneo la ujenzi wa Hospitali ya Wilaya.

Amesema serikali imetenga jumla ya shilingi milioni 500 za ujenzi wa hospitali ya Wilaya na fedha hiyo imekwishaingizwa katika akaunti ya Mlele hivyo haoni sababu ya kuchelewesha ujenzi wa hospitali kwa kisingizio cha kutoandaa eneo huku wananchi wakipata shida mbalimbali kwa kukosa huduma.

Mkuu wa Mkoa ameyasema hayo wakati akiwa katika ziara ya kikazi kata ya ilunde iliyopo wilaya ya mlele kukagua eneo ambalo limetengwa kujenga kituo kikubwa cha afya na kuongea na wananchi kupitia mkutano wa hadhara.

Amos Makala ameshiriki ujenzi wa kituo hicho akiwa na wananchi wa eneo hilo na kuwapongeza wananchi kwa kujitolea kuharakisha ujenzi ambapo hadi sasa ufyatuaji wa tofali za block na uchimbaji wa mchanga unaendelea kwa jitihada za wananchi na viongozi wao…

Ameongeza kuwa serikali imetoa fedha kiasi cha shilingi milioni 400 kwa ajili ya ujenzi wa majengo matano na kwamba fedha hiyo inaweza ikajenga zaidi ya majengo hayo lengo likiwa ni kuhakikisha waanchi wanapata huduma kwa haraka na ukaribu.

Kuhusu tatizo la barabara ya Inyonga- Ilunde na Inyonga – Tabora amewataka Tanroad kwenda kata ya Ilunde washirikiane na viongozi wa kata hiyo ili waweze kufanya matengezo maeneo korofi kabla ya kipindi cha mvua kuanza hivyo hivyo barabara ya Inyonga- Tabora amewataka Tanroda kumwelekeza mkandarasi kushughulika na maeneo korofi ili kipindi cha mvua barabara iweze kupitika na shuguli nyingine zienedelee.

Rachel kasanda ni Mkuu wa Wilaya ya Mlele ambaye pia amesisitiza ushiriki wa wananchi katika ujenzi wa miradi ya maendeleo kwamba mwananchi anaposhiriki moja kwa moja inampa fursa ya kuutunza mradi huo kwa uchungu “ tunawaomba wananchi serikali inapoleta miradi mbalimbali ya maendeleo katika maeneo yenu tushirikiane kwa umoja na si kukaa pembeni na kuwa watazamaji tu haitakuwa na maana na hakutakuwa na mtu ambaye ataona uchungu endepo mradi huu utaharibiwa” amesema Mkuu wa Wilaya ya Mlele.

Diwani wa kata hiyo Martin Mgoloka aelezea furaha na kuanza kwa ujenzi wa kituo hicho na ujio wa mkuu wa Mkoa wa katavi kwa mara kwanza “kwa niaba ya wananchi nipendea kukupongeza kwa ujio wako imetupa faraja ya kutembelea na Mkuu wa mkoa katani kwetu kwa mara kwanza tangu ulifika mkoani kwetu ni faraja sana, pili nitoe shukrani kwa wananchi na viongozi wa Mlele kuona umuhimu wa kuwa na kituo cha afya tuaahidi kufanya kazi kwa bidii..

Kata ya Ilunde ni kata mojawapo kati ya Kata sita za Halmashauri ya Wilaya ya Mlele na inaumbali wa zaidi ya kilometa 60 kutoka yalipo makao makuu ya Wilaya ya Mlele Inyonga, adha inayowakumba ni pamoja na barabara, kukosa mawasiliano kabisa, maeneo ya makazi na kilimo.

AFISA HABARI H/W MLELE

SUZAN KANENKA