RC KATAVI KATIKA MATEMBEZI YA BONAZA

Posted on: August 19th, 2022

Pichani:

Mkuu wa Mkoa wa Katavi Mhe.Mwanamvua Mrindoko(katikati) ,Mkuu wa Wilaya ya Mlele Mhe.Filberto Sanga (kushoto)na  Mwenyekiti wa Halmashauri ya  Wilaya ya Mlele Mhe.Soud Mbogo, pamoja na Mkurugenzi Mtendaji  wa Halmashauri ya Wilaya Bi. Teresia Irafay  kulia) waliposhiriki matembezi katika bonanza lililoandaliwa kwa ajili ya kuhamasisha Wananchi kushiriki katika Sensa ya watu na makazi 23 Agosti 2022.

RC KATAVI AKEMEA UPOTOSHWAJI KUHUSU SENSA YA WATU NA MAKAZI

Mkuu wa Mkoa wa Katavi, Mwanamvua Mrindoko ameitaka jamii kuepukana na upotoshaji unaofanywa na baadhi ya watu kuhusu sensa ya watu na makazi.

Akizungumza na hadhara ya wananchi Agosti 18, 2022 katika bonanza la kuhamasisha wananchi kushiriki sensa, Mhe.Mwanamvua amesema wakibaini watu wenye tabia hiyo watoe taarifa kwa viongozi na vyombo vya dola wachukuliwe hatua.

"Tutashughulika nao vizuri kisheria hatutawaacha salama kwa sababu watakuwa hawana nia njema na Rais," amesema.

Aidha amewataka wananchi kutowaficha watu wenye ulemavu, wanatakiwa kuhesabiwa ili watengenezewe utaratibu mzuri wa kupata huduma.

"Kupitia bonanza hili tulilofanya natumia nafasi hii kutangaza kuwa sasa tunao mabalozi wa sensa kupitia makundi yetu maalumu.

"Tunao bodaboda,  wajasiriamali, machinga na wengine tunawakabidhi kazi hii ya kuhamasisha sensa mkaifanye kupitia mabango na kuzungumza na wateja wenu," amesema,

Awali Mkuu wa Wilaya ya Mlele Mhe.Filberto Sanga alieleza kuwa Wilaya yake Kamati za Sensa Viongozi na wananchi wote wamejipanga vyema kuhakikisha wanahesabiwa kwa kuwa wanaouelewa wa kutosha kuhusu sensa maana hamasa imefanyika na inaendelea kufanyika kwa ngazi zote na kila mmoja anao uelewa wa kutosha na kufahamu umuhimu wa Sensa.

Deo Johanesi ni Mratibu wa Sensa ya watu na Makazi wilaya ya Mlele, ameeleza kuwa yanaendeea vizurihalmashauri imejipanga vyema kwa kuwa maandalizi yote yameishakamilika kwakuwa kamati mbalimbali kuanzia ngazi ya kitongoji hadi wilaya ziliundwa na maeneo yameishabainishwa na maandalizi yanaenda vizuri kuhakikisha zoezi hili linafanikiwa.

Pia Mafunzo ngazi ya wilaya kwa wasimamizi wa Maudhui, wasimamizi wa TEHAMA makarani na   ,ambapo mafunzo hayo ni  ya siku 19 na Halmashauri ya wilaya ya mlele ilipangiwa  jumla ya washirki 165 kati yao   92  ni wasio kuwa na ajira, na 73 ni wa ajiriwa wa serikali.

Ambapo na wasimamizi wa maudhui ni 12  wasimamizi wa TEHAMA ni 6 na makarani 85 ni

Amesma hakuna mtu hata mmoja ambaye ataachwa bila kuhesabiwa.

Mhe Soud Mbogo ni Mwenyekiti wa Halmashauri ya wilaya ya Mlele amesema yuko tayari kuhesabiwa na wananchi wake wote wa mlele na wamejipanga vyema wanakuwa wa kwanza kwa kuwa ni kawaida kwa halmashauri yake kuwa wa kwanza kwa kila maelekezo yanayotolewa na serikali,kutekeleza miradi wa kwanza, kkukusanya mapato wakwanza ufaulu wa wanafunzi wa Kwanza  Nanenane wa kwanza hata sensa watakuwa wa Kwanza aondoe hofu.

Naye Aubrey Kasembe  ambaye ni mkazi wa Halmashauri ya wilaya ya Mlele amesema bonanza hilo limeongeza uelewa kuhusu masuala ya sensa kutokana na elimu iliyotolewa.

"Tunaenda kuhamasisha wengine wahesabiwe ili serikali ipate idadi kamili rai yangu watu wajitokeze tarehe 23, tukihesabiwa ni faida yetu sisi," amesema.

Bonanza hilo lilofanyika viwanja vya Shule ya Msingi Inyonga  limeambatana na matembezi ya hiari, michezo ya mpira wa miguu na kuvuta kamba,kukimbiza kuku,kukuna nazi,kucheza ngoma za asili,kula tikitki lengo ni kuhamasisha jamii kushiriki zoezi la sensa ya watu na  Makazi.