Shule ya Sekondari Kamsisi Moja ya madarasa shule bora katika Halmashauri ya Mlele.

Posted on: November 28th, 2022

MKUU WA WILAYA YA MLELE AHIMIZA KUKAMILIKA KWA WAKATI VYUMBA VYA MADARASA.

Serikali ya awamu ya sita imeendelea kuleta fedha za maendeleo katika Halmashauri mbili za Wilaya ya Mlele watendaji wamehimizwa kukamilika miradi hiyo  kwa wakati ili kuwa na tija iliyokusudiwa.

Rai hiyo imetolewa na Mkuu wa Wilaya ya Mlele Mkuu ya Mhe.Filberto Sanga baada ya kufanya ziara ya kutembelea na kukagua ujenzi wa  shule  zilizopewa fedha kwa ajili ya ujenzi wa vyumba vya madarasa,  fedha kutoka serikali Kuu.

Moja ya madarasa yaliyojengwa katika Halmashauri ya  Wilaya ya Mlele shule hii ya Kamsisi imejengwa Kata ya Kamsisi ikiwa ni moja ya shule bora katika Halmashauri ya Mlele.

Mhe.Sanga  amekagua ujenzi wa vyumba  tisa vya madarasa katika Shule za Sekondari Ilunde, Kilinda,  Inyonga, Isack Kamwelwe , Utende ,na Ilela zilizopo halmashauri ya Wilaya ya Mlele.

“Serikali inafanya jitihada kubwa kuwaletea wananchi wake maendeleo kwa kutoa fedha za miradi hivyo kamilisheni  miradi  kwa wakati na kwa ubora”alisema Mhe. Sanga.

 Maendeleo ya  ujenzi wa  vyumba tisa vya  madarasa kwa shule za Sekondari Halmashauri ya Wilaya ya Mlele ambapo Serikali ya  awamu ya Sita hivi  karibuni ilitoa milioni 180 kwa ajili ya ujenzi wavyumba tisa vya madarasa katika shule za Sekondari Sita.

Amesema Serikali imejikita kuwaletea maendeleo wananchi maendeleo katika sekta ya elimu, Afya,Elimu,Maji,Barabara nk ambapo ameelekeza kutekeleza miradi kwa taratibu na ubora sambamba na kutumia njia shirikishi.

Kipekee Mhe. Sanga amemshukuru Mhe. Rais Samia Suluhu Hassan kwa  kuleta fedha nyingi za maendeleo katika Wilaya ya Mlele kwa ajili ya kutekeleza miradi ya maendeleo katika sekta zote.

Pia wananchi wameshukuru Serikali kutoa fedha shilingi milioni180 za ujenzi wa madarasa tisa yatakayowezesha watoto wanaotarajia kuanza kidato cha kwanza mwaka 2023 kukaa kwenya madarasa mapya.

Mwisho.

Shilingi 180 milioni  kukamilisha ujenzi wa vyumba vya 9 vya madarasa meza na viti katika shule sita  za sekondari Halmashauri ya wilaya ya Mlele fedha kutoka Serikali Kuu.

Shule ya Sekondari Inyonga  ujenzi wa vyumba vitatu vya madarasa kwa shilingi  milioni 60.

Shule ya Sekondari Utende  ujenzi wa vyumba viwili vya madarasa kwa shilingi  milioni 40.

Shule ya Sekondari Kilinda  ujenzi wa chumba kimoja cha  darasa  shilingi milioni milioni 20.

Shule ya Sekondari Ilunde ujenzi wa chumba kimoja cha  darasa milioni milioni 20.

Shule ya Sekondari Ilela ujenzi wa chumba kimoja cha  darasa milioni milioni 20.

Shule ya Sekondari Isack Kamwelwe  ujenzi wa chumba kimoja cha  darasa milioni milioni 20.