TAARIFA YA MIKOPO YA VIKUNDI KWA MWENYEKITI WA UVCCM TAIFA

Posted on: June 11th, 2025

TAARIFA YA VIKUNDI KWA MWENEYEKITI WA UVCCM TAIFA

Halmashauri ya Wilaya ya Mlele, inaendelea kutekeleza Sera ya Taifa ya uwezeshaji wananchi kiuchumi kama ilivyoelekezwa katika Ilani ya Chama cha Mapinduzi (CCM). Katika kutekeleza Ilani ya Uchaguzi ya CCM, Halmashauri ya Wilaya ya Mlele kwa kipindi cha Januari – Aprili imetoa Mikopo ya shilingi 364,780,000.00 kwa vikundi vya wanawake, vijana na watu wenye ulemavu. Kati ya kiasi hichi vikundi vya Vijana vilipata mkopo wa shilingi 169,640,000.00 kati ya fedha hizo, vikundi vilivyoomba mkopo wa vyombo vya usafirishaji vilipata shilingi 53,000,000.00.

Mradi huu wa usafirishaji umegharimu Tsh. 53,000,000.00 ambazo zimetumika kununua pikipiki kumi na tano (15) na Guta moja (1). Fedha hizi zimetokana na asilimia kumi ya makusanyo ya mapato ya ndani ya Halmashauri.

Vikundi vilivyonufaika na mkopo huu ni

Uendelevu wa mradi huu umeleta manufaa yafuatayo kwa wanachama wa vikundi na jamii kwa ujumla: -

• Kumewezesha wanachama wa kikundi kujitegemea kiuchumi hivyo, kuondoa potofu ya vijana kusubiri ajira za kuajiriwa.
• Kutoa hamasa kwa vijana wengine kujiunga kwenye vikundi na kuanzisha miradi ya kiuchumi kama ilivyo kwa mradi huu.
• Kutoa ajira kwa vijana wengine.
• Kuongeza mzunguko wa fedha katika jamii.

Tunaishukuru Serikali ya awamu ya sita inayoongozwa na Mhe.Dkt. Samia Suluhu Hassan, Rais wa Jamhuri ya Muungano wa Tanzania kwa kutupatia fedha za mikopo yenye masharti nafuu kwa vijana, zinazotokana na makusanyo ya mapato ya ndani ya Halmashauri kwani zinasaidia sana kupunguza changamoto ya ajira kwa vijana na hatimaye vijana kujiajiri wenyewe kupitia miradi wanayotekeleza .