TAARIFA YA UTEKELEZAJI MRADI WA SHULE YA MKONDO WA AMALI

Posted on: June 17th, 2025

TAARIFA YA MRADI WA UJENZI WA SHULE MPYA YA SEKONDARI YA  MKONDO WA AMALI 

Mnamo tarehe 01/07/2024, Halmashauri ya Wilaya ya Mlele ilipokea fedha kiasi cha Shilingi 1,600,000,000.00 kwa ajili ya ujenzi wa shule mpya ya mkondo wa AMALI kupitia Mradi wa Kuimarisha Ubora wa Elimu ya Sekondari Tanzania ujulikanao kama “Secondary Education Quality Improvement Project (SEQUIP)”. Mradi unahusisha ujenzi wa Jengo la Utawala,vyumba vya madarasa nane (8) Chumba cha TEHAMA, Maabara mbili (02) za masomo ya sayansi, mabweni 04 ya wanafunzi, Maktaba moja(01), Karakana moja (1), Matundu 08 ya vyoo, Kichomea taka, Tenki la maji, Nyumba ya mwalimu 01, Bwalo la chakula na viwanja viwili vya michezo (mpira wa miguu na kikapu “basketball”).

UTEKELEZAJI WA MRADI 

 Mradi huu ulianza kutekelezwa tarehe 25/10/2024 kwa kutumia njia ya “FORCE ACCOUNT” na kuwashirikisha jamii katika kufanya usafi wa eneo kabla ya ujenzi, na  unatarajiwa kukamilika tarehe 30/06/2025. Kwa sasa mradi umefikia asilimia 75 na umegharimu kiasi cha Shilingi 1,244,209,684.6 na fedha ambayo haijatumika ni Shilingi 355,790,315.4.  

FAIDA ZA MRADI

Shule hii ni shule ya Mkoa, kukamilika kwakwe kutadahili wanafunzi kutoka Halmashauri za mkoa wa Katavi ili kuwawezesha kupata maarifa ya fani mbalimbali za kiufundi zitakazo wasaidia katika maisha yao.

HITIMISHO

Tunaishukuru Serikali ya awamu ya sita inayoongozwa na Mhe. Dkt. Samia Suluhu Hassan, Rais wa Jamhuri ya Muungano wa Tanzania kwa kutupatia fedha za ujenzi wa Mradi huu.

Kitengo cha Mawasiliano Serikalini / Idara ya Mipango 

TAARIFA YA SHULE YA MKONDO WA AMALI.doc