TASAF

Posted on: November 4th, 2020

Mfuko wa Maendeleo ya Jamiii wa kunusuru kaya  masikini,TASAF umeküwa nuru ya kukomboa kiuchumi  kaya  masikini Halmashauri ya wilaya ya Mlele ni miongoni mwa Halmashauri hapa nchini ambazo wananchi wake wamenufaika na mpango huo hali inayofanya wananchi kuondokana na umasikini kutokana na mpango huo.

Mpango wa  TASAF  ni miongoni mwa  dhima kubwa na kipaumbele cha kupunguza umasikini kwa kaya masikini nchini Tanzania,hivyo Serikali na kaya  lengwa zina matumainini  makubwa katika mpango huu.

Kuwepo kwenye mpango wa TASAF kwa wilaya ya Mlele tangu mwaka 2015 ni ushahidi tosha kuwa mpango huu umekuwa mkombozi wa jamii nyingi masikini katika Halmashauri ya hiyo. Kaya nyingi zimepata mwanga wa kujikomboa kutoka kwenye dimbwi  la umasikini uliopitiliza kwa kujiwekea malengo fanisi ya matumizi ya pesa wanazopata kwa kuwekeza kwenye shughuli za maendeleo.

Shughuli zenye tija na zenye kuchochea maendeleo zinafanywa na kaya zinazofaidika na mpango wa TASAF kwa Halmashauri ya wilaya ya Mlele ni pamoja na ufugaji,biashara ndogondogo,kusomesha watoto na shughuli za kilimo.

Baadhi ya wanufaika wamekiri kwamba mpango huu wa TASAF ni mkombozi kwao kwa kuwa umefanya maisha ya kaya nyingi kuinuka  kiuchumi kwa kujishughulisha na ujasiliamali.

Mratibu wa Mpango  wa TASAF Halmashauri ya Wilaya ya Mlele Bi Graceana  Msemakweli  amekiri kuwa kuna mwamko mkubwa kwa kaya lengwa kwani zimekuwa  katika maendeleo ya kiuchumi kwa kuzingatia malengo bora ya matumizi ya fedha  wanazopokea.

Kata zote 6 zilizopo Halmashauri ya Wilaya ya Mlele zimekuwa zikipata elimu ya kuhakikisha maisha yao yanaboreshwa kutoka katika utegemezi kwa kutumia fedha wanazozipata  kikamilifu kwa mambo yenye tija ya ushawishi wa maendeleo.Mpango huu wa kunusuru kaya masikini ni chachu ya mandeleo na mafanikio yake tangu ulipoanza umekuwa ni mkubwa ana.

Kwa kuzingatia umuhimu wa mapango huu, Rais wa Jamhuri ya Muungano wa Tanzania John Pombe Magufuli alizindua mpango wa kipindi cha pili cha awamu ya tatu wa kunusuru kaya masikini mapema mwakahuu.Mpango ambao unatarajia kugharimu trioni 2 za kitanzania kwa ajili ya kutoa ruzuku kwa kaya masikini nchini .

Tangu kuanzishwa kwa TASAF katika Halmashauri ya wilaya ya Mlele kumekuwa na tija ya kupambana na umasikini kwa kiasi kikubwa maeneo mbalimbali  wilayani humo ,hivyo mpango huu ni nuru ya maendeleo  kwa wananchi.

Kwa upande wao walengwa walionufaika na mpango wa kunusuru Kaya Masikini kutoka Kata za Inyonga na Ilunde kwa nyakati tofauti wameeleza jinsi mpango ulivyowanufaisha kwa kuwaondolea umasikini.

Aderia Peter Gembe ,mwenye watoto watatu ni mmoja wa walengwa aliyenufaika na mpango wa kunusuru kaya masikini TASAF Wilaya ya Mlele anaeleza jinsi mpango ulivyomsaidia kuwapatia elimu watoto wake watatu mmoja akiwa sekondari binti yake  mwenye umri wa miaka 15 aitwaye Rosemary Joseph,wengine wawili wanasoma shule ya msingi Maria Joseph mwenye miaka 11, na Mathar Joseph mwenye umri wa miaka sita wate wakihudumiwa na kusomeshwa na mpango wa kunusuru Kaya masikiniTASAF.

Mnufaika mwingine aliyenufaika na mpango huo,Bibi  Fransisca Zakari mwenye umri wa miaka  ( 72) anaeleza jinsi mpango ulivyomsaidia kuondokana na umasikini anasema kabla ya kujiunga kwenye mpango hali ya maisha ilikuwa ngumu hata suala la kupata chakala kwake ilikuwa shida lakini sasa hali ni nzuri toafauti na awali,kutokana fedha anazopata amekuwa akijiwekea akiba kidogo kidogo na kununua mifugo kuku nan a nyingine kutumika katika katika kilimo ambapo amelima karanga na kufanikiwa kujenga nyumba ya bati.

Walengwa hao wanaeleza kuwa mpango wa TASAF umewasaidia sana kuondokana na umasikini uliokithiri sasa ni tofauti na awali walivyokuwa kwa kuwa wanauwezo kujumuika na wenzao na kuonekana nao ni jamii ya wananchi kama wengine.