Tume ya Ufuatiliaji

Posted on: July 9th, 2021

Ujumbe wa Tume ya Ufuatiliaji wa miradi ya Maendeleo kutoka TAMISEMI  katika kikao cha majumuisho ofsini kwa Mkurugenzi Mtendaji Halmashauri ya Wilaya ya Mlele

  TUME YA UFUATILIAJI WA MIRADI YA MAENDELEO KUTOKA TAMISEMI  YARIDHISHWA NA UTEKELEZAJI WA MIRADI YA MAENDELEO UNAOFANYWA NA HALMASHAURI YA WILAYA YA MLELEMKOA WA KATAVI.

  Tume ya Ufuatiliaji wa miradi ya Maendeleo kutoka TAMISEMI  imepongeza juhudi zinazofanywa na Halmashauri ya Wilaya ya Mlele katika utekelezaji wa shughuli za maendeleo usimamizi na utekelezaji  wa miradi  kwa kusimamia fedha fedha zilizoletwa kutoka serikali kuu kwa ajili ya kutekeleza miradi ya maendeleo.

Pongenzi hizo zilitolewa wakati wa kikao cha majumuisho baada ya  kutembelea miradi hiyo na  kujiona utekelezaji wake, na kusema kuwa kazi kubwa na nzuri imefanyika pamoja na kuwepo changamoto za vitendea kazi na uchache wa watumishi na mazingira magumu   ya utendaji kazi lakini kazi nzuri imefanyika hivyo Halmashauri na watumishi mnastahili kupongezwa.

Walieleza kuwa  kazi iliyofanyika inaonekana na  inalingana na thamani ya fedha zilizopokelewa katika Halmashauri hiyo, haivyo matumaini makubwa ya wananchi ni kupatiwa huduma iliyo bora  na nzuri sasa uhuduma itapatikana  katika mazingira mazuri hongereni sana.

Katika Taarifa ya Utekelezaji iliyotolewa na Mkurugenzi Mtendaji wa Halmashauri hiyo Mwl.Alexius Kagunze ilieleza kuwa Halmashauri ya  Wilaya ya  Mlele kwa mwaka wa fedha 2020/2021 ilidhinishiwa na Bunge  kiasi cha shilingi 2,288,423,000.00 kwa ajili ya utekelezaji wa miradi mbalimbali ya Maendeleo kutoka fedha za Serikali Kuu ambapo hadi kufika juni 2021 Halmashauri imepokea kiasi cha shilingi 2,271,899,361.16 ambazo zilitumika kwa ajili ya miradi ya Jengo la utawala.Ujenzi wa wadi tatu Hospitali ya Halmashauri,Mfuko wa Jimbo,Ujenzi wa Zahanati Saba na  ununuzi wa Vifaa tiba.

Fedha nyingi zilitumika kwenye ujenzi wa madarasa 11 ya Shule za Msingi,Ujenzi wa Maabara saba za Shule za Sekondari,Ujenzi wa walk way na umaliziaji wa jengo la kuhifadhia maiti,

Ununuzi na uwekaji wa mashine katika Kituo cha kuchakata mazao ya nyuki,na malipo kwa ajili ya ujenzi wa ghala la Ilalangulu.

Kwa upande wa fedha za nje za Maendeleo Halmashauri ya Wilaya ya Mlele katika KIpindi cha kuanzia Julai 2020 hadi        Juni 2021 imepokea kiasi shilingi 319,200,000.00 za EP4R na Covid 19 kwa ajili ya utekelezaji wa miradi ya maendeleo.

Mwisho.