UJENZI WA VYUMBA TISA VYA MADARASA hALMASHAURI YA MLELE WAENDA KASI

Posted on: November 17th, 2022

 Na Kibada Ernest –Mlele  Katavi

MKUU WA WILAYA YA MLELE MHE. SANGA  AHIMIZA KUKAMILIKA KWA WAKATI  UJENZI WA VYUMBA VYA MADARASA.

13 Novemba  2022.

Mkuu wa Wilaya ya Mlele Mhe.Filberto Sanga amehimiza kukamilika kwa wakati ujenzi wa vyumba tisa vya Madarasa vinavyojengwa kwa Shule za Sekondari,  fedha  kutoka Serikali Kuu zilizotolewa na Mhe.Samia Suluhu Hassan  Rais wa Jamhuri ya Muungano wa Tanzania ili wanafunzi wanaohitimu elimu ya Msingi waweze  kuyatumia ifikapo mwakani  ili kuondoa msongamano darasani.

 Mkuu wa Wilaya ya Mlele Mhe.Filberto Sanga ameyasema hayo  baada ya kufanya ziara ya kutembelea na kukagua ujenzi wa  Shule  zilizopewa fedha kwa ajili ya ujenzi wa vyumba vya madarasa,  fedha kutoka Serikali Kuu.

Amesema Serikali ya awamu ya sita imeendelea kuleta fedha za Maendeleo katika Halmashauri mbili za Wilaya ya Mlele  Halmashauri ya Wilaya ya Mpimbwe na Halmashauri ya Wilaya ya Mlele, hivyo Watendaji  mnahimizwa kukamilisha miradi hiyo  kwa wakati ili kuwe na tija iliyokusudiwa.

Mhe.Sanga  amekagua ujenzi wa vyumba  tisa vya madarasa katika Shule za Sekondari Ilunde, Kilinda,  Inyonga, Isack Kamwelwe , Utende ,na Ilela  Shule zilizopo Halmashauri ya Wilaya ya Mlele.

“Serikali inafanya jitihada kubwa kuwaletea wananchi wake Maendeleo kwa kutoa fedha za miradi hivyo kamilisheni  miradi  kwa wakati na kwa ubora.”alisema Mhe. Sanga.

 Maendeleo ya  ujenzi wa  vyumba tisa vya  madarasa kwa Shule za Sekondari Halmashauri ya Wilaya ya Mlele ambapo Serikali ya  awamu ya Sita hivi  karibuni ilitoa milioni 180 kwa ajili ya ujenzi wa vyumba tisa vya madarasa katika Shule za Sekondari Sita.

Amesema Serikali imejikita kuwaletea maendeleo wananchi katika sekta ya Elimu, Afya,Maji,Barabara nk ambapo ameelekeza kutekelezwa miradi kwa taratibu na ubora sambamba na kutumia njia shirikishi.

Kipekee Mhe. Sanga amemshukuru Mhe. Rais Samia Suluhu Hassan kwa  kuleta fedha nyingi za maendeleo katika Wilaya ya Mlele kwa ajili ya kutekeleza miradi ya maendeleo katika sekta zote.

Kwa upande wao  wananchi  wa Halmashauri ya Wiaya ya Mlele wameishukuru Serikali ya awamu ya sita  kwa kutoa fedha shilingi milioni180 za ujenzi wa Vyumba vya  madarasa tisa yatakayowezesha watoto wanaotarajia kuanza kidato cha kwanza mwaka 2023 kukaa kwenya madarasa mapya.

Imeandaliwa na Kibada Ernest Kaim Mkuu wa Kitengo cha Mawasiliano Serikalini Halmashauri ya Wilaya ya Mlele.

Mwisho.  

  Ujenzi wa vyumba  Shule ya Sekondari Kilinda  ujenzi wa chumba kimoja cha  darasa  shilingi milioni milioni 20.

 .Mafundi  wakiendelea na Ujenzi wa vyumba vitatu vya madarasa  Shule ya Sekondari Inyonga  ujenzi unao gharamu ya shilingi  milioni 60 ujenzi ukiendelea kwa kasi.