UMITASHUMTA NGAZI YA TAIFA YAENDELEA KURINDIMA -MKOANI IRINGA

Posted on: June 10th, 2025

Pichani baadhi ya wanamichezo wa Shule za Msingi kutoka mikoa wa Songwe na Kigoma kama wanavyoonekana picha 

wakichuana vikali katika mchezo wa mpira wa mikono ikiwa ni hatua ya makundi ya  Mashindano ya UMITASHUMTA ngazi ya Taifa  ambayo yameanza kurindima  katika viwanja mbalimbali vya michezo  mkoa wa  Iringa -Picha na OR-TAMISEMI

Katavi-GCOTAMISEMI

MASHINDANO YA UMITASHUMTA NGAZI YA TAIFA YAENDELEA KURINDIMA -MKOANI IRINGA     

Hatua ya makundi ya  Mashindano ya UMITASHUMTA ngazi ya taifa yameanza kurindima  katika viwanja mbalimbali vya michezo  mkoa wa  Iringa, huku viwanja vya Chuo cha Ualimu Klerruu, Shule ya Sekondari ya Wasichana Iringa, na Lugalo  viwanja hivyo vikianza kutimua vumbi kwa   mbali mbali ya  hatu ya makundi.

Katika mmashindano hayo ambayo yameshuhudia Uwanja Wa Shule ya Sekondari ya Wasichana Iringa,kumechezwa  michezo ya mpira wa mikono kwa upande wa wavulana kutoka Mkoa wa Songwe walioneshana umwamba  na wenzao kutoka Mkoa wa Kigoma ambapo wavulana kutoka mkoa wa Songwe waliwararua wenzao wa Mkoa wa Kigoma kwa jumla ya mabao 15-9 ambapo Mkoa wa Morogoro wakiwalazwa wenzao kutoka Mkoa wa Shinyanga kwa Magori 16-11.

Vijana kutoka Makao makuu ya nchi Mkoa wa Dodoma waliwanyosha wenzao Mkotoka Mkoa wa Kilimanjaro  kwa kiwachapa kipigo  kitakatifu cha jumla ya magoli 20-6,mbali ya kuichapa Kilimanjaro pia waliwalaza majirani zao Walima alzeti wa kutoka mkoa wa singinda jumla ya mabao 18-10 na kuzidi kuonyesha ubabe kwa kujinyakulia ponti  muhimu katika kundi hilo.

Wachezaji katika Mashindano haya wanaendelea kuonesha vipaji vyao  hivyo kuwa  kivutio hali inayozidi kuwavutia  mashabiki wengi,  kuvutiwa kuja kuona  Vipaji mbalimbali kutoka kwa vijana hao wa shule za msingi walivyojaliwa kuwa na vipaji vya hali ya juu, huku  ushindani ukiwa wa mkubwa kutoka kwa timu zote zinazoshiriki na huku  zikiendelea kujiimarisha  katika kuwania nafasi za juu kuelekea hatua ya makundi.

MWISHO