Waheshimiwa madiwani wasifia Bajeti ya Halmashauri ya Mlele

Posted on: February 8th, 2019

Waheshimiwa madiwani wa Halmashauri ya wilaya ya Mlele wameisifia bajeti ya mapato ya ndani iliyoandaliwa na wataalam wa Halmashauri ya wilaya ya Mlele chini ya Mkurugenzi mtendaji Mwalimu Alexius R Kagunze katika mkutano wa Baraza la Madiwani lililofanyika katika ukumbi wa shule ya sekondari juzi 6/2/2019.

Kwa nyakati tofauti waheshimiwa madiwani wakichangia maandalizi ya Bajeti ya mapato ya ndani wamesema bajeti hiyo imezingatia kuingiza   vyanzo vopya ambavyo havikuwepo awali na hivyo inaleta sura mpya ambapo kama mikakati ya ukusanyaji itakuwa mizuri basi tutakusanya mapato mengi.

Mheshimiwa mgoloka amesema ni vyema kuwa na mikakati sasa ya kuhakikisha kwamba tunakusanya kama tunavyotarajia. Kila mtaalamu kwa nafasi yake ahakikishe anajituma kuweza kukusanya mapato na kuifanya halmashauri kutimiza malengoyake.

Naye mkurugenzi mtendaji  wa halmashauri amesema kwamba katika mwaka wa fedha 2019/20 halmashauri inalenga kukusanya jumla ya milioni 725,043,900 ambazo zitahusisha vyanzo mabalimbali vya mapato ya ndani. Tumejipanga kukusanya fedha hizo na kuzitumia katika shughuli za kuleta maendeleo ya wananchi wetu. Tumejipanga vizuri kuhakikisha tunafikia malengo yetu kama halmashauri kwa kuwa nikipaumbele chetu.

Pamoja na hayo halmashauri imeainisha matumizi mbalimbali ambayo yatatekelezawa kwa kutumia fedha za makusanyo. Matumizi hayo yanahusisha pia fedha za ruzuku ambazo zinaletwa na serikali ambazo ni kwaajili ya matumizi ya kawaida na miradi itakayo tekelezwa katika kipindi hicho.