Wajumbe wa Kamati ya Fedha wakagua miradi ya Maendeleo

Posted on: August 9th, 2023

Mwenyekiti  Halmashauri ya Wilaya ya Mlele ambaye pia ndiye Mwenyekiti wa Kamati ya Fedha,Utawala , Uongozi na Mipango,Mhe. Soud Mlolwa Mbogo,na ni Diwani wa Kata ya Inyonga akiwaongoza wajumbe wa Kamati na watalaam kukagua miradi ya maendeleo kama anavyoonekana.

Madiwani wa Halmashauri ya Wilaya ya Mlele watembelea miradi na kuridhishwa na utekelezaji wake,

Kamati ya Fedha Utawala na Mipango imefanya ziara ya kukagua miradi ya maendeleo ambayo inaendelea kutekelezwa katika Halmashauri Julai 20, 2023 ambapo ziara hiyo iliongozwa na Mwenyekiti wa Kamati Mhe. Soud Mlolwa Mbogo Diwani wa Kata ya Inyonga

Miradi iliyotembelewa na kukaguliwa ni;-

Ujenzi wa vyumba viwili vya madarasa kwa mapato ya madani shule ya Sekondari Uzega Kata ya Utende ni moja ya Mradi uliotembelewa na Madiwani kama inavyoonekana,

• Ujenzi wa shule ya Awali ya mchepuo wa Kiingereza,inayojengwa na halmashauri ya wilaya ya Mlele.
• Ujenzi wa Vyumba viwili vya madarasa Shule ya Sekondari ya Uzenga inayojengwa kwa mapato ya ndani
• Ujenzi wa Zahanati ya Mgombe,
• Ujenzi wa Zahanati ya Mtakuja
• Ujenzi wa Zahanati ya Songambele.
• Ujenzi wa  Uzio wa Mnada wa Mifugo 

Kamati imepongeza kazi kubwa na nzuri inayofanyika na inayoendelea kufanyika. Pia Mhe Mbogo ametoa pongezi kwa viongozi walioshiriki kwenye usimamizi wa kazi hizo akiwemo Watumishi wa Halmashauri

Aidha kwenye ujenzi wa Zahanati ya Kijiji cha Mgombe amesema kuwa kwa hatua iliyofikiwa kwa michango ya wananchi na wadau ni kubwa hivyo wamalizie  kisha Halmashauri ifanye jitihada za kuwaunga mkono ili kumalizia kazi.

Kwa upande wa ujenzi wa uzio wa Mnada wa Mifugo   wajumbe wameshauri kuwa, wataalamu wa Kilimo, Mifugo na Ushirika  watoe ushauri unaofaa ili mradi huo uwe na tija kwa Halmashauri.