WAKULIMA WA MLELE WAPEWA NENO NA SERIKALI.

Posted on: November 7th, 2020

•   Katibu Tawala wa Wilaya ya Mlele Linkolin Tamba  akiwahutubia wananchi na kuwapa elimu ya kilimo  Wananchi wa Halmashauri ya wilaya ya Mlele  Kata ya Utende wakati wa uzinduzi wa msimu wa kilimo kwa mwaka2020/2020 wananchi hawapo pichani

 WAKULIMA WA Wilaya ya MLELE WAPEWA NENO NA SERIKALI.

Na Kibada Ernest

 Katibu Tawala wa Wilaya ya Mlele Linkolin Tamba amewashauri wakulima wa Halmashauri  ya wilaya mlele kutumia fursa ya ardhi kuzalosha kwa kulima zao la korosho  na mazao mengine kama pamba ufuta ,karanga mpunga na mahindi kwa kuwa soko lipo na litawaongezea kipato na kuwakomboa kiuchumi.

Ametoa rai hiyo wakati akiwahutubia wananchi muda mfupi baada ya uzinduzi wa msimu wa msimu wa kilimo kwa mwaka 2020/2021 uzinduzi uliofanyika kiwilaya kijiji cha uzega Kata ya Utende na kuhudhuriwa na wadau kilimo,wataalam wa kilimo,watafiti,wauzaji wa pembejeo na wakulima kutoka maeneo mbalimbali ktk wilaya hiyo mbapo walipata fursa ya kujifunza maswala mbalimbali kuhusianana kilimo.

Mbali ya hayo ameagiza halmashauri kuanzisha mashamba darasa kila kijiji ili wakulima iwe rahisi kujifunza kwa vitendo,pia ameitaka Halmashauri kuhakikisha inawezesha maafisa ugani na mifugo vyombo vya usafiri ili waweze kuwafikia kwa urahisi wakulima na kuwasaidia kuwapatia elimu inayohusiana na kilimo.

Akitoa taarfa ya hali ya kilimo na uzalishaji kwa msimu 2019/2020 na maandalizi ya msimu wa kilimo  kwa mwaka 2020/2021 Afisa kilimo katika Halmashauri ya Mlele Luke Kifyias ameeleza lengo lauzinduzi wa msimu wa kilimo ni kuhakikisha kila mwananchi mwenye uwezo wa kufanya kazi  kulima ekari mbili za mazao ya chakula na  moja ya biasahara,na kutoa elimu ya kilimo.pamoja na mambonmengine.

Katika uzinduzi huo elimu mbalimbali kuhusia na kilimo,pembejeo,mbegu bora na namna ya  kuandaa shamba kulima,kupanda,kupalilia,kuwekea mbolea kuvuna hadi kuuza imetolewa na wataalam wa ugani,kwa zao korosho,pamba,mahindi,karanga pamoja na mpunga.

Mwisho,