WATAKIWA KUACHANA NA MILA POTOFU WATOTO WAPATE CHANJO YA POLIO

Posted on: December 2nd, 2022

Mkuu wa Mkoa wa Katavi Mhe. Mwanamvua Hoza Mrindoko akitoa matone kwa watoto wenye umri chini ya miaka mitano kuashiria uzinduzi wa kampeni ya chanjo kwa mkoa wa Katavi.huku Muuguzi Mkuu wa Halmashauri ya wilaya Rose Ntalilwa kimwelekeza  mkuu wa Mkoa katika zoezi hilo.

Na Kibada Ernest. Mlele Katavi

Tarehe

 Disemba mosi  2022

WATAKIWA KUACHANA MILA POTOFU WAPELEKE WATOTO WAPATE CHANJO YA POLIO

• Watoto wenye umri wa chini ya miaka mitano wapatao  285,800   wanatarajiwa kupatiwa chanjo ya Polio Mkoani Katavi
• Mkuu wa Mkoa awaasa wazazi na walezi kuachana na mila na imani potovu awahimza wazazi kuchanja watoto wao chanjo hina madhara.  

Wazazi na Walezi wa Mkoa wa Katavi wamewatakiwa kuachana na mila potofu na maneno ya upotoshwaji yanayotolewa na baadhi ya watu kuwa  chanjo zitolewazo na  Serikali zina madhara hiyo siyo kweli, badala yake wamewahimizwa  kuhakikisha wanawapeleka watoto wote wenye umri wa chini ya  mitano kupatiwa chanjo ya polio kwenye vituo vya kutolea huduma za afya na maeneo yaliyopangwa.

Mkuu wa Mkoa wa Katavi Mhe. Mwanamvua Hoza Mrindoko akizindua utoaji wa chanjo ya matone ya Polio kwa watoto waliochini ya umri wa miaka mitano zoezi liliofanyikia kituo cha afya Inyonga B'Halmashauri ya wilaya ya Mlele

 Rai hiyo imetolewa na Mkuu wa Mkoa wa Katavi  Mhe. Mwanamvua Hoza Mrindoko wakati akiongea baada  ya  uzinduzi wa chanjo ya polio kwa watoto walio chini ya umri wa miaka mitano ambapo kwa mkoa wa Katavi watoto wapata 285,800 wanatarajiwa kupatiwa chanjo.huku Halimashauri ya Mlele ikitarajia kuchanja watoto wapatao 16,680  

Mkuu wa Mkoa wa Katavi Mhe. Mwanamvua Hoza Mrindoko akizindua utoaji wa chanjo ya matone ya Polio kwa watoto waliochini ya umri wa miaka mitano zoezi liliofanyikia kituo cha afya Inyonga B'Halmashauri ya wilaya ya Mlele

Mkuu  huyo wa Mkoa Mhe. Mrindoko amewahimiza wazazi wote kuhakikisha wanawapatia watoto wote walio chini ya umri huo wa  chini ya miaka mitano wanapatiwa chanjo.

Amesema kila mmoja ahakikishe watoto wanachanjwa wazazi wasiwafiche watoto wataalam  wa Afya na wale waliopewa dhamana kufanya kazi hiyo watapita nyumba kwa nyumba sokoni na kila eneo walipo watafikiwa kupatiwa chanjo.

Amesema mtoto akipata chanjo ya polio  itamsaidia kumkinga na magonjwa ya  ulemavu hivyo chanjo hiyo ni salama kabisa wala wananchi wasiwe na hofu yeyote.

Mkuu wa Mkoa wa Katavi Mhe. Mwanamvua Hoza Mrindoko akitoa matone kwa watoto wenye umri chini ya miaka mitano kuashiria uzinduzi wa kampeni ya chanjo kwa mkoa wa Katavi.huku Muuguzi Mkuu wa Halmashauri ya wilaya Rose Ntalilwa kimwelekeza  mkuu wa Mkoa katika zoezi hilo.

Awali  Mkuu wa Wilaya ya Mlele Mhe. Filberto Sanga alieleza kuwa uzinduzi wa chanjo umefanyika katika kituo cha Afya Inyonga B’ Wananchi,  wazazi  na walezi wamejitokeza kuleta watoto wao kupatiwa chanjo.

Mhe Sanga amesema   mwitiko ni mkubwa,Wilaya imejipanga kuhakikisha kila mtoto mwenye umri chini ya miaka mitano anapatiwa chanjo,kwa Halmashauri ya Mlele watoto wapatao 16,680 wanatarajiwa kupatiwa chanjo ya polio.

Kwa Mbunge wa Jimbo la Katavi Mhe.  Mhandisi Isack Kamwelwe  alimshukuru Mkuu wa Mkoa kwa kazi nzuri ya kuhimiza maendeleo katika Mkoa wake,ameeleza kuwa wananchi wa Jimbo la Katavi  ni wachapa  kazi,hata suala la chanjo kwa watoto watajitokeza kuhakikisha watoto wao wenye umri chini ya miaka mitano wanapata chanjo wote kama elekezwa na serikali hakuna shaka kwa hilo.

Mkuu wa Mkoa wa Katavi Mhe. Mwanamvua Hoza Mrindoko akitoa neno kwa akina mama hawapo pichani baada ya kutoa matone kwa watoto wenye umri chini ya miaka mitano kuashiria uzinduzi wa kampeni ya chanjo kwa mkoa wa Katavi.huku Muuguzi Mkuu wa Halmashauri ya wilaya Rose Ntalilwa kimwelekeza  mkuu wa Mkoa katika zoezi hilo.

Mhe. Mhandisi Kamwelwe ameeleza kuwa wananchi wake wanajituma katika shughuli zote hata hii ya umbaji wa watoto ambao ni wapiga kura wajao watahakikisha wanahamasisha wazazi na walezi kuwapeleka katika maeneo yaliyotengwa kutolea huduma ya chanjo ya polio kwa watoto wenye umri chini ya miaka mitano wanapatiwa chanjo hiyo. Na kuvuka lengo lillilowekwa.

Mwisho.