WAZIRI MKUU AWATAKA WATUMISHI WA HALMASHAURI YA MLELE WAHAMIE KWENYE NYUMBA ZA SERIKALI HABARI Kamili

Posted on: December 14th, 2022

Waziri Mkuu, Kassim Majaliwa akiwasalimia wananchi wa Halmashauri ya wilaya ya Mlele  Kijiji cha Mapili alipowasilili kukagua barabara ya lami ya kutoka Inyonga  hadi kijiji cha Mapili yenye urefu wa kilometa 8.69 akiwa kwenye ziara ya Mkoa wa Katavi, Disemba 13, 2022. Katikati ni Kaimu Mkuu wa Mkoa wa Katavi na Mkuu wa Wilaya ya Tanganyika, Onesmo Buwelu. 

Na Kibada Ernest –Kaimu Mkuu wa Kitengo cha Mawasiliano Serikali Mlele.

WAZIRI MKUU Kassim Majaliwa ameagiza watumishi wa Halmashauri ya Wilaya Mlele wahamie mara moja kwenye nyumba 11 zilizokuwa za wajenzi wa barabara ya Inyonga-Mpanda hadi Tabora na kukabidhiwa kwa Halmashauri hiyo.

Baadhi ya watumishi wa Halmashauri ya wilaya ya Mlele  wakimsikiliza Waziri Mkuu, Kassim Majaliwa alipozungumza nao akiwa kwenye ziara ya Mkoa wa Katavi.

Watumishi ambao ameagiza wahamie kwenye nyumba hizo ni Afisa Usalama wa Wilaya (DSO), Kamanda wa Polisi wa Wilaya ya Mlele (OCD), Mkurugenzi Mtendaji wa Halmashauri ya Wilaya ya Mlele (DED), Meneja wa Wakala wa Barabara za Mijini na Vijijini (TARURA) Mganga Mkuu wa Wilaya ya Mlele (DMO) pamoja na watumishi wengine wa hospitali ya wilaya.

Waziri Mkuu, Kassim Majaliwa akizungumza na watumishi wa Halmashauri ya wilaya ya Mlele akida katika ziara ya Mkoa wa Katavi, 

Waziri Mkuu alitoa agizo hilo wakati akizungumza na watumishi wa Halmashauri ya Wilaya ya Mlele Mkoani Katavi baada ya kujionea mwenyewe kuwa zimetelekezwa na zinaharibika kwa kukosa uangalizi.

“Watumishi wanahangaika hawana makazi, nyumba zimeachwa nyasi zimeota hadi kwenye korido. Watumishi wote wanaopaswa kuhamia katika nyumba hizi baada ya kumaliza mkutano huu kila mmoja aende kwenye  Nyumba yake na ahamie. Mkurugenzi naomba orodha ya majina ya watakaohamia.”

Mkuu wa Wilaya ya Tanganyika, Onesmo Buwelu ambaye pia ni  Kaimu Mkuu wa Mkoa wa Katavi akiwapungia mkono wananchi kwa kuwasalimia  

Nyumba hizo 11 zenye ukubwa tofauti kati yake mbili zina uwezo wa kuchukua familia nne kila moja ni za kisasa na zilikabidhiwa kwa Mkurugenzi wa Halmashauri ya Mlele Novemba 2022 na Wakala wa Barabara Tanzania TANROADS baada ya kukamilika kwa Mradi wa barabara.

Waziri Mkuu, Kassim Majaliwa akizungumza na  Mwananchi Maria Anthony Tingatinga baada ya kuwahutubia katika kijiji cha Mapili Wilayani Mlele akiwa katika ziara ya Mkoa wa Katavi, Disemba 13, 2022. Katika ni Mbunge wa Jimbo la Katavi Wilaya ya Mlele, Mhandisi Isack Kamwelwe.

Aidha, Mheshimiwa Majaliwa ameutaka uongozi wa Halmashauri ya wilaya ya Mlele uweke utaratibu wa kushirikisha wadau wa sekta binafsi katika kuleta maendeleo kwenye wilaya yao. Pia aliwataka watumishi hao wahakikishe kila kazi wanazozifanya zinakuwa na matokeo chanya kwa jamii.

Waziri Mkuu, Kassim Majaliwa akiwasalimia wananchi wa Halmashauri ya wilaya ya Mlele  Kijiji cha Mapili alipowasilili kukagua barabara ya lami ya inynga Mapili akiwa kwenye ziara ya Mkoa wa Katavi, Disemba 13, 2022. Katikati ni Kaimu Mkuu wa Mkoa wa Katavi na Mkuu wa wilaya ya Tanganyika, Onesmo Buwelu na wa pili kulia ni Katibu Tawala wa Mkoa wa Katavi, Hassan Rugwa. 

Awali, Waziri Mkuu alikagua barabara ya lami ya kutoka Inyonga-Mapili yenye urefu wa kilomita 11.7 iliyojengwa kwa gharama ya shilingi bilioni 8.69. Barabara hiyo ni sehemu ya barabara ya Inyonga-Ilunde-Kishelo inayokwenda hadi kwenye mpaka wa Mkoa wa Katavi na Tabora ikiwa na urefu wa kilomita 96.

Barabara ya lami ya Inyonga – Mapili yenye urefu wa kilomita 8.69 ambayo Waziri Mkuu, Kassim Majaliwa alikagua ujenzi wake  Muonekano wa

Wakizungumza baada ya ukaguzi huo, baadhi ya wakazi wa eneo la Mapili walimshukuru Rais Mheshimiwa Dkt. Samia Suluhu Hassan kwa kuidhinisha kiasi hicho cha fedha kwa ajili ya ujenzi wa barabara hiyo ambayo kukamilika kwake kutaimarisha huduma za usafiri wa watu na mizigo.

Waziri Mkuu, Kassim Majaliwa akizungumza na watumishi wa Halmashauri ya wilaya ya Mlele akida katika ziara ya Mkoa wa Katavi, 

Mwisho.