SIKU 100 ZA MH. RAISI DR SAMIA SULUHU HASSAN, MLELE DC WANUFAIKA NA MKOPO WA 10%

Posted on: February 13th, 2026

SIKU 100 ZA MH. RAIS DR SAMIA SULUHU HASSAN, MLELE DC WANUFAIKA NA MKOPO WA 10%.

Ikiwa ni Siku 100 za Mheshimiwa Rais wa Jamhuri ya Muungano wa Tanzania Dr.Samia Suluhu Hassan kuwepo madarakani Halmashauri ya wilaya ya Mlele imefanikiwa kutoa mkopo wa 10% kiasi cha shilling milioni 120 kwa robo ya tatu kwa mwaka wa fedha 2025/2026 kwa vikundi 25 vya Wanawake,walemavu na vijana mnamo tarehe 13/2/2025.

Kwa upande wao wanufaika wa mkopo huo wameshukuru ambapo Bi Elizabeth Philipo ambaye ni mmoja wa wanufaika amesema "Namshukuru Mheshimiwa Raisi Samia Suluhu Hassan Kwa mkopo huu kupitia mkopo huu mtaji wa Biashara yangu ya samaki utakua na nitaweza kupata faida kubwa na kukua kiuchumi" huku mnufaika mwingine Denis Maurusi akisema"Tunashukuru kwa mkopo huu usiokuwa na riba kwa niaba ya wenzangu niahidi kuwa tunaenda kufanyia kazi mkopo sawa sawa kwenye miradi tuliyoandikisha hatimaye tutaweza kujikwamua kiuchumi.

Kwa upande wake Bw.Ignus Kikwala ambaye ni mkuu wa Idara ya Maendeleo ya jamii ya Halmashauri ya Wilaya ya Mlele amewasihi wanaufaika hao kuitumia vyema fursa hiyo ya mikopo isiyokua na riba ili waweze kuinuka kiuchumi pia akawasistiza kurejesha vizuri.

Aidha kabla ya kuwapatia mkopo vikundi hivyo vimepewa elimu ya fedha na uwekezaji kutoka kwa wataalamu mbalimbali wakiwemo wataalamu kutoka PPRA.

Pichani ni Bw.Ignus Kikwala, Mkuu wa Kitengo cha Maendeleo ya Jamii kutoka Halmashauri ya Wilaya ya Mlele aliyekaa kulia akiwa pamoja na Bw.Jerome Jonas Mtaalamu wa Manunuzi na Ugavi kutoka PPRA aliyesimama kushoto wakati akiwasilisha mafunzo kutoka PPRA.